روائع مختارة | بنك الاستشارات | استشارات أسرية | جحيم زوج.. مدمن

اسمحوا لي افضفض لكم وياريت اعرف حل للي انا وصلت له ،،واعذروني لصراحتي ،،لاني في مشكله بجد وحالتي النفسية وحشه اوي ..

أنا متزوجة من سبع سنوات ...في بدايه الجواز تعبت اوي من عملية الايلاج و تم فض الغشاء بعملية جراحية مع العلم أنا طبيعية وما كنتش احتاج لعملية ،انما لجهلي بالامور ولشدة الألم والتشنجات اعتقدت ان الحل هو ازله الغشاء

مكنتش بشعر باي متعة وقت الايلاج بسبب الالم ،،ومفيش قصه حب بيني وبين جوزي انما احنا تأقلمنا مع بعض وبعد العملية اتألمت لفترة طويلة وكرهت العلاقة وبمرور الوقت اتعودت وبدات اجاري زوجي واحاول اني امتعه واستمتع بس مكنتش بلحق ،،

وجوزي بينزل ويسيبني ،في الاول مكنتش بحسها مشكله ومع الحمل والولاده كنت ببقي مشغولة ومهمومة والرغبه عندي ضعيفة ومش مشكله اوي ،،بالعكس ممكن ميقربش جوزي مني لفترة طويلة من غير ما احس اني في مشكله ،،يعني ممكن يسيبني شهرين ميقربش مني وممكن اكتر

مع العلم الحمد لله اني بهتم بنفسي وجميلة وطبعي هادي ومش بينفر مني وبشهادته هو شخصيا ،،مش بشكر في نفسي انما الكل يقول اني ذي النسمة وهو بيرتاح معايا ويحب بيتنا عن بيت اهله كمان ،،

المهم انه بيسيبني كتير وانا بحاول افهم السبب وفهمت انه بيحب العاده السرية مع نفسه ،، حتي لو هينام معايا لازم يمارس العاده السرية الاول مع نفسه وبعدين انا ..

يعني مش يقذف مع نفسه انما يثير نفسه ويحصل الانتصاب وبعدين يقذف بسرعة معايا.. ولكن انا اصريت اني افهم بيحس بايه وعايز ايه وعشان اغير حياتنا للافضل فاهتميت اكتر بيه وانه يجي البيت يلاقي الجو المناسب والدلع وقررت كمان اكون اكتر جرأه وبدات انا في التلميح والطلبات والاغراءات والكلام بالفاظ تثيره ،،

بقيت اشوف عايز ايه واعمله وبقيت افاجئه برغبتي الجامحة دي فيه وحولت اجذبه نحيتي انا ويسيب العاده السرية واثبت له اني اقدر امتعه اكتر وفعلا اتبسط جدا يعني انا جرأت نفسي معاه واطلقت العنان لرغبتي وخيالي

واهتميت بالعلاقة الجنسية وبقيت اقرأ اكتر وبحاول افرغ رغباتي معاه بس الاستجابة منه انه توقف عن المداعبة ويتركني انا اقوم بالمداعبة ..وهو بيتبسط بس...يعني مش يفكر يداعبني او يبسطني او يحس انا عايزة ايه ويقذف بسرعة ويسيبني

يعني المشكله التانية انه سريع القذف جدا ،،يعني انا حسه انه مش الطبيعي عشان من لحظة الايلاج يقذف او بعده بلحظات ،،الاول كنت ابين له اني استمتعت عشان مشاعره هو ،، وبقول لنفسي مش مشكلة وبالوقت والاسلوب علاقتنا هتتحسن ،،لكن مع الوقت بقي ولا يداعب ولا يقبل وعايزني انا امتعه وخلاص ..

حسيت بالمشكله والزهق وبدات باساليب تانيه احاول اوصله ان العلاقة لازم تكون من الطرفين ،، بس مفيش فايده وبعدين فوجئت بانه بياخد ترامدول وفيجرا وحشيش وخمور ،،،ده وقت العلاقة وهو بيتحجج بالتعب والارهاق ،،

وضحت له اني محتاجة كذا وكذا وباسلوب لطيف وهو مش عايز يتعب نفسه شويه اوي يفكر فيا انا بحس بايه ، فبقيت لما ينام معايا احاول بخيالي اتخيله بيعمل كذا او بيقولي كذا عشان اثار واحس بمتعه واداعب نفسي بايدي وطبعا بعد ما يقذف ويقوم ويسيبني اكمل بممارسة العاده السرية عشان اخمد الرغبة دي جوايا ،تعبت نفسيا جدا

الرغبة عندي قوية وممكن اعيط لما يسيبني واحس بالذنب لو عملت العاده السرية وسعات ملقيش ملاز غير اني ارتاح بيها ،وسعات اكبت جوايا الي بحسه وبرده بتعب ،،للصبر حدود ،،وكلمته ووضحت له وبراحة وباسلوب مقبول ،،،عشان حرررام

دلوقتي انا اعمل ايه ،،انا عمري 30 وحاسه بالحرمان وعندي اولاد ،،بلهي نفسي بحجات كتير انما الرغبه اوقات اقوي مني ،، قبل الجواز مكنتش بحس بالرغبة دي كده ولا كنت بمارس العاده السرية

دلوقتي انا مبلاقيش من جوزي ولا قبلات ولا مداعبه ولا نظرة ولا كلام حلو وهو اهملني جدا مع اني مش مقصرة بجد وهو قالي مره انه زهد شوية والشغل والمشاكل ارهقته ،، انا كرهة العاده السرية بجد بس غصب عني بعملها اوقات ،واوقات بقدر علي نفسي ،،

انا ضد ان الواحد يمتع نفسه والعلاقة تبقي فرديه ،،بس لقيت نفسي وصلت لكده،،، اتكلمت معاه ووضحت له وكتير كتير وباساليب كويسه ،،وانا من جوايا في رغبة شديده وجامحة وزادت اوي وخيالي واسع وعايزة احس بانه راجلي او احس برجولته او قوته او هتمامه

هو كمان سايبني اغلب الوقت ومش بيسأل علي ولا بيهتم بتربية الاولاد او حتي الكلام معايا ،،كل الي بيعمله يشتغل وينام وياكل ويتفرج علي التليفزيون ووضحت له اني تعبانة وده ممكن يخرب البيت

وهو بيتهمني اني مش مقدرة واني فاضيه وحساسه اوي ويبقى الحال كما هو عليه لا هو راضي يروح لدكتور ولا راضي يهتم بيا شويه ،،

وانا حاسة بالحرمان العاطفى والجنسي وبقول انا قبل الجواز كنت مرتاحة وحسه من جوايا اني بريئة ونضيفة انما دلوقتي حسه احساس وحش اوي لانه بيعذبني وبيسيبني مهمله كده جوايا افكار وحشه وبقيت عرضه للفتنة اوي ..

أنا بخاف ربنا جدا ومسكة نفسي مع اني غلطت في بعض الحجات وربنا يغفر لي ،، انا مش عايزة اخسر نفسي بسببه ،، انا وصلت لحاله ببكي علي نفسي واني وصلت لكده بسببه وبسبب اني ضعيفة في اوقات ،، والله نفسيا مدمرة ،

أنا عارفة ان ده مش طبيعي بس اعمل ايه وانا وهو مش بينا قصه حب ،،هو كان في اول خمس سنين تقريبا حب عشرة حلوه وراحة وكان عندي امل فيه ،،بس حاليا خلاص في بغض وكره من نحيتي ليه وهو متمسك بي لاني مريحاه


أختي الفاضلة .. السلام عليكم ورحمة الله وبركاته.. وبعد .

قضيتك تم عرضها بإسهاب وتفصيل وعرض لخصوصيات دقيقه ولها ثلاثة جوانب ..

الأول : طبي